O PROXECTO VAI.

Como resposta á demanda feita tanto por Mohamed Alí, director da Clínica do Hospital Xeral, como por Sidahmed Tayeb Elyazid, Ministro de Saúde Pública, confeccionamos un Proxecto de Formación de Formadoras e Formadores como Protésicos Dentais nos Campamentos de Refuxiad@s Saharauis en Tindouf.

Este proxecto foi apresentado á Diputación Foral de Guipuzcoa e acaba de ser aprobado, co cal podemos seguir adiante.
 
Pretendemos levar a cabo a partir do próximo mes de outubro deste ano 2010, un curso de formación dirixido a mulleres e homes, unhas 10 persoas. Os obxectivos son conseguiren un certo dominio e destreza profesional como protésic@s dentais e con coñecementossuficientes sobre as técnicas apropriada para a situación nos campamentos, ademais de dotalos dos meios materiais e de producción para faceren o seu traballo, e de material docente para que poidan continuar como formadores, dándolle continuidade ao proxecto a nível local, co fin de darlles resposta aos graves problemas bucodentais que padece a maioría da poboación.

O curso dividirase en dous módulos: Formación teórica e Formación práctica en prótese dental.
Os contidos do curso vanse centrar na elaboración de próteses dentais removíbeis de acrílico (auto e termo polimerizábeis) e retencións de aramio de aceiro forxados, para pacientes con edentacións unitarias, múltiples ou totais, tanto superiores como inferiores.

Tiñamos previsto que a parte teórica fora impartida durante os meses de xullo, agosto e setembro por profesionais saharauis, con material docente elaborado polo equipo de profesionais cooperantes que xa lles foi enviado antes do verán.